Свята «Саракі»
для старшай групы
Праграмныя задачы: пашыраць уяўленні дашкольнікаў пра традыцыі святкавання народнага свята «Саракі», фарміраваць асновы музычнай культуры сродкамі беларускага музычнага фальклору; развіваць пазнавальную цікавасць да гукавой рэчаіснасці, народных традыцый, патрэбнасць у мастацкім пазнанні музыкі; выхоўваць пачуццѐ любові да роднага краю, павагу да культуры продкаў.
Абсталяванне: інтэр’ер беларускай сялянскай хаты: вышыванкі, беларускія тканыя ручнікі, вырабы з саломкі, стол, белы абрус, самавар, гліняны посуд (гарлачык, кубкі, талеркі, маленькія булачкі «жавараначкі»); магнітафон, магнітафонныя запісы (грамзапіс спеваў птушак, песня жаваранка, беларуская народная музыка); шапачкі – маскі воўка, гусей, бусла, жабак; фітболы для гульні. Дзеючыя асобы: Гаспадыня, Вясна.
Ход свята
Дзеці пад беларускую народную музыку заходзяць у музычную залу. З хаты выходзіць Гаспадыня.
Гаспадыня. Добры дзень, дзеці! Сѐння мы з вамі святкуем народнае свята «Саракі», якое адзначаецца 22 сакавіка. Нашы продкі лічылі, што ў гэты дзень да нас прылятаюць сорак «выраяў», 40 птушак, сярод якіх жаваранак. Яго ласкава ў нас называюць жаўрук або жаўранак. Напярэдадні свята гаспадыні рабілі птушак з саломы, паперы, гліны. Выпякалі 40 жаўрукоў з цеста, у некаторых мясцовасцях – 40 варэнiкаў, 40 маленькiх пiражкоў, галушак, клѐцак. А ў дзень свята ўпрыгожвалі імі галінкі дрэў, насілі іх па вуліцы, спяваючы песні. Лічылася, што ў гэты дзень сарока пачынае будаваць гняздо, дзеля чаго прыносіць роўна сорак галінак, i ўжо канчаткова прыходзiць вясна. А ці ведаеце вы прымаўкі пра гэта свята?
Дзіця 1. Зіма канчаецца – вясна пачынаецца.
Дзіця 2. Святыя Саракі ў полі саху валаклі.
Дзіця 3. Святыя Саракі – да не йдзі да ракі [28].
Гаспадыня. Якія прыметы на гэты дзень вы ведаеце? Я буду называць пачатак прыметы, а вы працягвайце далей.
На Саракі прылятаюць з-за мора… (птушкі). Прылятаюць сорак… (жаваранкаў).
Гаспадыня. Пасля зімовай сцюжы няма нічога лепшага, як пачуць звонкую песню жаваранка. Лічыцца, што жаваранак вясну адкрывае.
Гучыць песня жаваранка (у запісу).
Гаспадыня. Якіх пералѐтных птушак вы ведаеце? (Адказы дзяцей.)
Як вясна прыйшла ў гаі,
Разбудзіла ручаі
І паклікала ізноў
Птушак з выраю дамоў.
Прыляцелі жаўрукі,
І зязюлі, і шпакі,
Качкі, чэпікі
Раюцца,
З імі ластаўкі. (Максім Танк, урывак з верша «Як вясна прыйшла») [34].
А яшчэ да нас прылятаюць з цѐплых краѐў лебедзі. Я прапаную вам успомніць гульню «Гусі-лебедзі». Праводзіцца беларуская народная гульня «Гусі-лебедзі» (або «Гусі і воўк») [9, с. 187].
Гаспадыня. Зараз я вам загадаю загадку. Паспрабуйце адгадаць, пра якую птушачку я вам спавядаю. У пяску купаюцца Шэранькія шарыкі.
Куртатыя хвосцікі,
Дзюбатыя тварыкі (Н. Сторажава) [38, с. 51].
Дзеці. Вераб’і.
Выконваюць танец «Вераб’іная дыскатэка».
Гаспадыня. Добра мы з вамі, дзеці, патанцавалі, але ж мы ўсе жадаем сустрэцца з Вясной.
Ці скора ж ты, жаданы час
Вясны-красы, ідзеш да нас? Адкрый лугі, адзень лясы,
На жыта кінь крышталь расы!
Сагрэй ты нас, цяплом абвей…
Ідзі, Вясна, ідзі скарэй! (Якуб Колас, урывак з верша
«Да вясны») [24].
Дзіця 4. Прыйдзі, прыйдзі, Вясна!
Дзіця 5. Прыйдзі, прыйдзі, Красна.
Дзіця 6. Прыйдзі ў дзіцячы сад – кожны будзе рад.
Усе разам. Гу-гу, гукаем, Вясну заклікаем.
Гаспадыня. Давайце станем у карагод і пагукаем Вясну нашай песняй-вяснянкай.
Выконваюць песню «Жавароначкі, прыляціце» (бел. народ. песня, апрац. В. Сярых).
Гаспадыня. Выдатна спявалі! А вось і Вясна да нас ідзе.
Пад музыку, дзе чуецца спеў птушак, прыходзіць Вясна.
Вясна. Прывітанне, дзеці! Гэта вы мяне гукалі?
Дзеці. Мы цябе чакаем. Мы цябе гукаем.
Гаспадыня. Вясне мы заўсѐды рады! Што прынесла нам, Вяснавесенька?
Вясна.
Я прынесла вам песні-песенькі, Каб спявалі іх шчыра з году ў год, Каб вадзілі дружна карагод.
Гаспадыня. Што падорыш нам, Вясна-весенька?
Вясна.
Падару я вам шмат пралесачак.
Будуць кветачкі расцвітаць,
Будуць птушачкі звонка шчабятаць.
Гаспадыня. Гаспадыняй Вясна стала ў нашым краі і ў госці да нас завітала. Давайце вясѐлай песняй сустрэнем прыход маладзенькай госці! Выконваюць песню «Прыйшла вясна» (муз і сл. Я. Жабко).
Дзіця 7.
Гэй, Вясна, гэй, красна!
А што ты нам яшчэ прынесла?
Ці сала кусочак?
Ці масла брусочак?
Ці па піражочку?
Вясна. Я прынесла вам цікавую гульню.
Праводзіцца беларуская народная гульня «Займі хатку».
Дзецi стаяць у «хатках» (маленькае кола). У кожнай «хатцы» – «птушачка». У сярэдзіне залы сядзiць «птушачка», якой не хапiла «хаткi». На першую частку музыкi дзецi крочаць павольна ў правы бок, «птушачкi» сядзяць у «хатках». На другую частку дзецi спыняюцца, узнiмаюць рукi ўгару. Усе «птушачкi лятаюць» па зале. Калі музыка скончыцца, кожная «птушачка» стараецца хутчэй заняць «хатку».
Вясна. Нагуляліся, а цяпер трохі адпачнем. Сѐння свята нашых птушак І вялікіх, і малых. Вам пабачыць і паслухаць Прапануем мы пра іх.
Паспрабуйце адгадаць мае загадкі пра птушак. 1. З выраю першы вяртаецца, З песняй да свету звяртаецца.
Поля і неба сябрук,
Гэта, вядома, … (жаўрук). Паказвае карцінку жаваранка. 2. Гэты дзядзька-будаўнік Малатком біць не прывык. Тук-тук доўгім носам,
Вось дом будзе восам.
I працуе – глянуць люба.
Інструмент у дзядзькі – дзюба. (Дзяцел.) (Н. Сторажава) [38, с. 96]
Паказвае карцінку дзятла.
- Дом драўляны, габляваны, 3 кругленькім акенцам, Без дзвярэй і сенцаў.
Гаспадар – тo ж мой дружбак,
Невялічкі шэры... (шпак) (Н. Сторажава) [38].
Паказвае карцінку шпака.
- У чырвоных ботах Ходзіць па балоце,
Захаваўшы лапкі,
Спрытна ловіць жабкі. (Бусел.) [31, с. 51] Паказвае карцінку бусла.
Вясна. Так, дзеці, гэта бусел. Белы бусел з’яўляецца сімвалам Беларусі. Таму Беларусь часта называюць «Краінай пад белымі крыламі». А жыве ѐн паблізу тых мясцін, дзе ѐсць рэчка і вадаѐм, дзе шмат маленькіх жабянят. Я прапаную вам пагуляць у гульню, якая называецца «Бусел і жабкі».
Праводзіцца беларуская народная гульня «Бусел і жабкі».
Усе дзеці – «жабкі». Яны скачуць, як жабкі, пад музыку. Калі музыка сціхае, «жабкі» заскокваюць у абручы i заміраюць. Выходзіць «бусел», гаворыць і пільна назірае, каб забраць з сабою тую «жабку», якая зварухнецца:
У чырвоных ботах
Ходзіць па балотах
Бусел доўганосы,
Жабак сабе носіць.
Тая «жабка», якая варухнецца, трапляе ў «дзюбу буслу» i выбывае з гульні. Гульня працягваецца.
Вясна. Ой, як весела з вамі! Але прыйшоў час развітвацца. Трэба ў другі садок збірацца. Я рада сустрэчы з вамі. За тое, што вы мяне чакалі, са мною гулялі, спявалі, я вас пачастую.
Вясна частуе дзяцей печывам у форме птушак.
Вясна. А цяпер яшчэ раз заспявайце мне веснавую песню.
Дзеці спяваюць песню «Мы ідзем гукаць вясну» (муз. В. В. Сярых, сл. І. Цітаўца). Вясна дзякуе за песню і развітваецца.
Гаспадыня. Вось мы і сустрэліся з Вясною. Я прапаную вам выйсці на вуліцу і паназіраць за сонейкам, паслухаць шчабятанне птушак, пазабаўляцца.
Свята прылѐту Бусла. Благавешчанне
(для выхаванцаў старшай групы)
»
Благавешчанне (Дабравешчанне, Звеставанне, Свята вясны, Гуканне Вясны, Рыгор) – беларускае народнае свята, якое адзначаецца
7 красавіка. Лічыцца вялікім святам, святам прылѐту бусла.
Праграмныя задачы: папаўняць веды дашкольнікаў пра традыцыі святкавання народнага свята «Благавешчанне»; фарміраваць у дзяцей уяўленні аб нацыянальных і агульначалавечых каштоўнасцях, культурных традыцыях народа; развіваць творчыя здольнасці дашкольнікаў сродкамі музычна-гульнѐвай дзейнасці; садзейнічаць стварэнню добрага настрою; выхоўваць пачуццѐ любві да роднага краю і гонару за яго.
Абсталяванне: музычныя інструменты, кошык з пячэннем, дзіцячыя касцюмы для герояў (Бусел, Курыца, Карова, Авечка, Гусак).
Дзеючыя асобы: вядучы, Бусел, Курыца, Карова, Авечка, Гусак.
Ход свята
Пад гучанне беларускай народнай мелодыі дзеці ланцужком уваходзяць у залу. Дзіця 1.
У дзіцячым садзе сѐння Песні, музыка гучаць.
Мы ўсім вам вельмі рады, Бусла будзем сустракаць. Дзіця 2.
Сонца грэе, прыпякае,
Лѐд на рэчцы затрашчаў,
Цѐплы вецер павявае, Хмар дажджлівых нам прыгнаў. Дзіця 3.
Вось і бусел паказаўся,
Гусі дзікія крычаць,
Шпак на дубе расспяваўся,
Жураўлі ўжо ляцяць (Якуб Колас, урывак з верша «Вясна») [37].
Дзіця 4.
Ціха ў полі, ціха ў лесе, Чуць балбоча ручаѐк.
А высока ў паднябессі
Льецца звонкі галасок (Якуб Колас, урывак з верша «Раніца вясною») [37].
Дзіця 5. Сцежкі пацямнелі, Мокры снег асеў.
Хутка ўбачым у небе
Качак і гусей (Паўлюк Прануза, урывак з верша «Першы крок вясны») [35].
Дзіця 6.
Сонейка заззяла, Многа шле цяпла.
Снег растаў наўкола,
Да нас вясна прыйшла.
Дзеці спяваюць песню «Вясна» (муз. і сл. І. Саўчук).
Вядучы. А зараз я загадаю вам загадку:
Праз горы, даліны,
Праз тысячы сѐл
З далѐкай краіны Вярнуўся пасол.
Спаважны, чыноўны,
Ён стаў на страсе,
У ботах чырвоных,
Каб бачылі ўсе (Ніл Гілевіч) [38, с. 53].
Дзеці. Бусел.
Вядучы. «Бусел прыляцеў – вясна будзе!» – гаворыць беларус, заўважыўшы першае з’яўленне гэтай птушкі. Рады бусел, клякоча На гняздзе на ўвесь гай.
Радасць выказаць хоча:
– Прыляцеў я ў свой край. Тут над рэчкай сасонкі, Морам жыта шуміць,
Без любімай старонкі
Мне б ніколі не жыць (А. Дзеружынскі верш «Прыляцеў я ў свой край») [10].
Вядучы. Бусел – любімая птушка беларусаў, бо ѐн прыносіць добрыя весткі. Таму гэта свята яшчэ называюць «Благавешчаннем». Ёсць шмат прымет, дзе гаворыцца пра бусла і Благавешчанне: «Калі бусел прыляцеў крыху раней, то ў гэтым годзе вырасце выдатны лѐн». (Вядучы звяртаецца да дзяцей.) Як вы думаеце, які ў гэтым годзе будзе лѐн? А чаму? (Адказы дзяцей.) «На Благавешчанне дождж – будзе добры ўраджай грыбоў і жыта». Як вы думаеце, ці будзе ў гэтым годзе шмат грыбоў? А чаму? «На Благавешчанне суха – летам будзе засуха».
Бусел – гэта сімвал шчасця. Людзі лічаць, што на чыім двары паселіцца бусел, там будзе поўны дастатак. Забіць бусла – вялікі грэх.
Дзеці. Бусла ўсе мы паважаем, да сябе яго запрашаем.
З’яўляецца Бусел у чырвоных ботах, саламяным капелюшы, апрануты ў нацыянальнае адзенне.
Бусел.
Завітаў да вас на свята, Чуў, чакалі вы мяне.
Тут над рэчкаю сасонкі,
Ручаѐк пляскоча звонкі, Без любімае старонкі Аніколі мне не жыць.
Дзеці спяваюць песню «Родны бусел» (муз. С. Галкінай, сл. Н. Галіноўскай).
Дзіця.
Даўганогі землямер
Схапіў жабу за каўнер,
Па траве павалачыў,
У канаве намачыў,
Вострым носам дзеўбануў,
Уздыхнуў і – праглынуў (Васіль Вітка, верш «Бусел») [14].
Бусел.
Па балоце я хаджу, Жабак есці я люблю.
Праводзіцца беларуская народная гульня «Жабкі». Дзеці становяцца ў два рады і спяваюць: Скача, скача жабка, На чатырох лапках.
Скача жабка па дарожцы, Скача, выцягнуўшы ножкі.
Пад хуткую музыку трэба даскакаць да «балота» і назад. У гэты час Бусел спрабуе схапіць «жабак». Перамагае тая каманда, якая хутчэй дабяжыць да свайго месца з большай колькасцю «жабак».
Вядучы. Мы схавалі Бусла боты, каб не швэндаў па балотах.
Праводзіцца гульня «Бусел і Жабкі». Дзецi.
Ходзiць Бусел па балоту, Клiча жабак на работу, Жабка кажа:
Бусел кажа:
Жабка кажа:
Бусел кажа:
Дзецi.
Мы схавалi Бусла боты, Каб не швэндаў па балоце. Бусел, бусел сiганi – Свае боты даганi.
Дзеці становяцца ў кола і перадаюць адзін аднаму бот, а Бусел спрабуе яго дагнаць (беларуская народная гульня «Дагані бот»).
Вядучы. Благавешчанне, як час перавагі вясны над зімой, прымушае падумаць і пра агароды. Лічыцца, што да Благавешчання нельга чапаць Маці-зямлю, бо яна можа прагневацца. На Благавешчанне дзеўка косу не пляце, птушка гнязда не ўе. У гэты дзень забаранялася гарадзіць плот, убіваць у зямлю колле, пачынаць сеў, не выганялі першы раз кароў, не вывозілі гной. На Благавешчанне жанчыны не расчэсвалі валасы, каб «куры расаду не дралі». Гаспадыня падымалася раней мужа, каб выканаць абрад «развязвання сахі».
А зараз прапаную гульню «А мы проса сеялі», каб у гэтым годзе быў добры ўраджай. Правілы гульні: дзеці павінны рухацца роўнай шарэнгай; у той час, калі ідуць і спяваюць хлопчыкі, дзяўчынкі стаяць на месцы, і наадварот.
Дзеці, узяўшыся за рукі, стаяць дзвюма шарэнгамі, тварам адзін да аднаго. З адной стараны стаяць хлопчыкі, з другой – дзяўчынкі.
Хлопчыкі шарэнгай падыходзяць да дзяўчынак і спяваюць:
- А мы проса сеялі, сеялі. (Ідуць на свае месцы.) Дзяўчынкі паўтараюць гэтыя ж рухі і таксама спяваюць:
- А мы проса вытапчам, вытапчам, вытапчам.
Хлопчыкі. Ды чым жа вам вытаптаць, вытаптаць, вытаптаць?
Дзяўчынкі. А мы коней выпусцім, выпусцім, выпусцім.
Хлопчыкі.А мы коней пераймем, пераймем, пераймем.
Дзяўчынкі.Ды чым жа вам пераняць, пераняць, пераняць?
Хлопчыкі.А шаўковым повадам, повадам, повадам.
Дзяўчынкі. А мы коней выкупім, выкупім, выкупім.
Хлопчыкі.Ды чым жа вам выкупіць, выкупіць, выкупіць?
Дзяўчынкі.А мы дадзім сто рублѐў, сто рублѐў, сто рублѐў.
Хлопчыкі.Не, трэба нам тысячы, тысячы, тысячы.
Дзяўчынкі. А мы дадзім дзеўчыну, дзеўчыну, дзеўчыну. (Ідуць дзяўчынкі. Адна дзяўчынка застаецца, астатнія вяртаюцца назад.)
Хлопчыкі. Вось гэта трэба нам, трэба нам, трэба нам. (Хлопчыкі падыходзяць да дзяўчынкі і становяцца вакол яе. Дзяўчынка танцуе, а хлопчыкі пляскаюць у далоні.) Вядучы.
Пякла бабка калачы У халодненькай пячы. А якраз ляцеў камар І калачыкі пакраў.
Дзеці.
Мак таўкуць камары – будзе цѐпла на двары.
Дзеці спяваюць песню «Усе вакол сябры» (муз. і сл. І. Саўчук).
Вядучы.
Гэй, смялей, хлапцы і дзеўкі, Пачынаем пець прыпеўкі.
Хлопчыкі.
Дзяўчыначкі-бяляначкі, Дзе ж вы пабяліліся?
Дзяўчынкі.
Мы кароў даілі ўчора,
Малачком памыліся. Ух!
Хлопчыкі.
Вы паслухайце, дзяўчаты, Нескладуху будзем пець. На дубу свіння пасецца, У лазні парыцца мядзведзь.
Дзеці разам.
Праспявалі вам прыпеўкі, Вельмі хваляваліся. Вы заходзьце ў нашу групу, Калі спадабаліся! Ух!
Вядучы.
Нямала танцаў ѐсць на свеце, Умей іх толькі выбіраць.
А вось гэты слаўны танец
Будзем разам танцаваць. Выконваецца беларускі танец «Весялуха».
Тэатралізацыя верша. Курыца.
Куд-кудак, куд-кудак, Яйка знесла я з кулак.
Вядучы. Узняла чубатка крык.
Індык. Так, так, так! – сказаў індык.
Вядучы. І карова кажа:
Карова. Му-у-у! А каму? Вядучы.
І авечка,
Як пачула пра яечка, Забляяла:
Авечка. Ме-е-е! Можна мне?
Вядучы. Гусак крыкнуў:
Гусак. Го-го-го! Захацела ты чаго!
Сѐння Бусел – гаспадар! (Паводле І. Шуцько, урывак з верша «Яечка».) [46, с. 37]
Дзеці спяваюць песню «На бусліных крылах (муз. А. В. Канстанцінавай, сл. Я. Жабко). З’яўляецца Бусел з кошыкам, у якім ляжыць пячэнне ў выглядзе птушак.
Бусел. Дзякуй вам, дзеткі, што мяне чакалі, звалі, добра спявалі і плясалі.
Вядучы. Дзе ж лятаў наш Бусел?
Бусел. Над прыгожай краінай, якая завецца Беларусь.
Вядучы. А які падарунак ты нам прынѐс?
Бусел. Падару вам многа сонечных і радасных дзѐн, а яшчэ вось гэтых смачных «птушанят». Гэта не простыя «птушачкі», а з сакрэтам. Каму дастанецца «птушачка» з макам, – гэта да вясѐлага жыцця, вішанькай – да багацця, з тварагом – да абноўкі. (Дзеці выбіраюць сабе «птушачак».) Бусел.
А цяпер, дзетвара, усім на вуліцу пара!
Песні пець, хараводы вадзіць,
Весела плясаць,
Благавешчанне святкаваць.
Дзеці і Бусел выходзяць з залы.
Сімвалы Рэспублікі Беларусь
Канспект інтэграванага занятку па адукацыйных абласцях
«Мастацтва (Музычная дзейнасць)» і «Дзіця і грамадства»
(для выхаванцаў старшай групы)
Праграмныя задачы: фарміраваць асновы патрыятызму і нацыянальнай самасвядомасці; культуру ўспрымання і выканання; развіваць сацыяльна-маральныя арыентацыі і пачуцці; выхоўваць паважлівыя адносіны да дзяржаўных сімвалаў Рэспублікі Беларусь (герба, флага, гімна), любоў да Радзімы.
Матэрыялы і абсталяванне: карта Беларусі; карцінкі дзяржаўных сімвалаў Рэспублікі Беларусь (герб, флаг), запіс гімна Беларусі (муз. Н. Сакалоўскага, сл. М. Клімковіча, У. Карызны); партрэт Прэзідэнта Рэспублікі Беларусь; «лапці» (для гульні).
Ход занятка
Дзеці ўваходзяць у музычную залу пад гучанне песні «Мой родны кут, як ты мне мілы» (муз. І. Лучанка, сл. Якуба Коласа).
Музычны кіраўнік. Добры дзень, дзеці! Сѐння ў нас з вамі незвычайны занятак. Мы будзем знаѐміцца з сімваламі нашай краіны. Што гэта за сімвалы? Я прапаную вам паслухаць верш «Сімвалы маѐй краіны», які напісаў беларускі пісьменнік Навум Гальпяровіч.
Выхавальнік чытае верш Навума Гальпяровіча «Сімвалы маѐй краіны» і паказвае малюнкі з дзяржаўнымі сімваламі Рэспублікі
Беларусь [20, с. 30].
Выхавальнік. Дзеці, пра якую краіну распавядае верш? На якой мове напісаны верш? Мы з вамі з’яўляемся жыхарамі якой краіны?
Як называюць жыхароў нашай краіны? (Адказы дзяцей.)
У кожнай краіны ѐсць свае дзяржаўныя сімвалы: Дзяржаўны герб, Дзяржаўны флаг, Дзяржаўны гімн. У беларусаў таксам яны ѐсць. (Паказвае малюнкі з дзяржаўнымі сімваламі Рэспублікі Беларусь.)
Наша дзяржава называецца Рэспубліка Беларусь, альбо Беларусь. Сталіца Беларусі – горад Мінск. Гэта самы галоўны горад у краіне. Кіраўніком нашай дзяржавы з’яўляецца Прэзідэнт Рэспублікі Беларусь.
Музычны кіраўнік звяртае ўвагу на партрэт кіраўніка дзяржавы.
Музычны кіраўнік. Зараз мы пазнаѐмімся з дзяржаўным сімвалам – гімнам нашай краіны.
Гімн – гэта самая галоўная ўрачыстая песня нашай краіны. Калі гучыць Гімн Беларусі, усе ўстаюць, падпяваюць або спакойна слухаюць стоячы. Так людзі выказваюць павагу да галоўнай песні нашай краіны і любоў да яе. Раніца нашай Радзімы пачынаецца з Гімна. Гучыць ѐн у святы, на ўрачыстых мерапрыемствах.
Дзеці, давайце паслухаем Гімн нашай дзяржавы стоячы! Мы з вамі любім і ганарымся нашай краінай, таму павінны ганарыцца і яе Дзяржаўным сімвалам – гімнам.
Слуханне Дзяржаўнага гімна Беларусі (муз. Н. Сакалоўскага, сл. М. Клімковіча, У. Карызны).
Музычны кіраўнік. Ці спадабаўся Гімн нашай краіны? Які настрой перадае мелодыя гэтага твора: святочны, урачысты, вясѐлы або сумны? Якія словы больш вам запомніліся? Як вы разумееце словы: «Наша любімая маці-Радзіма»? Так, дзеці, беларусы вельмі любяць сваю краіну і ганарацца ѐю. Якія яшчэ дзяржаўныя сімвалы мае наша краіна? (Адказы дзяцей.)
Выхавальнік. У дзяржаўных сімвалах нашай краіны
зашыфраваны аповед або паведамленне пра жыццѐ народа, традыцыі і звычаі. Зараз я вам раскажу пра тыя звесткі, якія зашыфраваны на Дзяржаўным гербе. (Паказвае малюнак Дзяржаўнага герба.)
У промнях узыходзячага сонца мы бачым контуры тэрыторыі Беларусі. Сонца асвятляе нашу краіну, сагравае яе, нясе цяпло, жыццѐ і радасць. Са старажытных часоў сонца і зямля – сімвалы жыцця. Зямны шар азначае, што мы жадаем усім краінам міру, хочам сябраваць з імі і супрацоўнічаць. Вянок з кветак і каласкоў сімвалізуе ўрадлівасць нашай краіны і працавітасць нашага народа. Стагоддзямі нашы продкі працавалі на зямлі, сеялі жыта, пяклі хлеб. Яшчэ ў нашай краіне вырошчваюць лѐн. З ільну атрымліваюць ніткі і робяць тканіну, з якой шыюць адзенне. На чырвона-зялѐнай стужцы напісана «Рэспубліка Беларусь» [20, с. 7, 8, 10–13].
Музычны кіраўнік. Пра цяжкую працу нашых продкаў складалі народныя песні, якія перадавалі з вуснаў у вусны. Я вам зараз загадаю музычную песню-загадку. Пра каго ў ѐй гаворыцца, аб чым яна распавядае? Слухайце ўважліва.
Гучыць беларуская народная песня «Ох, і сеяла Ульяніца лянок». Дзеці спрабуюць разам з музычным кіраўніком імітаваць рухамі дзеянні, які адбываюцца ў песні (сеяла лянок, палола, рвала, у снапочкі ставіла і г. д.).
Музычны кіраўнік. Хто ведае назву песні? Аб чым яна распавядае? Сапраўды, гэта песня пра цяжкую працу жанчын у час уборкі льну. Жанчыны і дзяўчынкі спазаранку збіраліся ў поле, дзе збіралі лѐн. Якія рэчы вырабляюць з ільну? (Адказы дзяцей.)
Выхавальнік. А зараз пазнаѐмімся з Дзяржаўным флагам Рэспублікі Беларусь. Ён мае тры колеры: чырвоны, зялѐны, белы. Чырвоны колер з’яўляецца знакам Сонца, азначае сілу, мужнасць і энергію, адначасова гэта знак шчаслівага жыцця. Зялѐны – колер прыроды, палѐў, лясоў, якія займаюць асноўную частку тэрыторыі нашай краіны. Гэта колер дабра, дабрабыту і міру. Белы колер – гэта перш за ўсѐ колер свабоды, маральнай чысціні і мудрасці. З краю нашага сцяга на белым полі намаляваны нацыянальны арнамент – знак працавітасці і майстэрства беларусаў.
Пра любоў да Радзімы гаворыцца ў многіх прыказках і прымаўках. Ёсць яны і ў беларусаў. Напрыклад, «У чужой старонцы не сагрэе і сонца». Як вы разумееце сэнс прыказкі? (Адказы дзяцей.) Якія прыказкі пра Радзіму вы ведаеце?
Дзіця 1. Дарагая тая хатка, дзе радзіла мяне матка.
Дзіця 2. Ідзі ў родны край – там і пад елкаю рай.
Дзіця 3. На чужыне і камар загіне.
Дзіця 4. У сваѐй хаце і вуглы дапамагаюць.
Дзіця 5. Радзіма – матка, чужына – мачыха. [8]
Выхавальнік. Дзеці, што вы лічыце сваѐй Радзімай? (Адказы дзяцей.) Радзіма – гэта родны край, Беларусь, родны горад, дзе нарадзіліся і жывяце, гэта ваш родны дом.
Музычны кіраўнік. Герб, флаг і гімн – дзяржаўныя, афіцыйныя сімвалы нашай краіны. Таксама ѐсць і неафіцыйныя, нацыянальныя сімвалы Беларусі. Давайце разгледзім іх на малюнках і паспрабуем назваць. Паказвае малюнкі з выявамі бусла, зубра, васілька,
Нацыянальнай бібліятэкі і г. д. [20, с. 31].
Пра які нацыянальны сімвал мы развучвалі песню? Паслухайце ўважліва мелодыю і адкажыце. Музычны кіраўнік выконвае мелодыю з песні «Сіні васілѐк» (муз. і сл. Я. Жабко).
Хто напісаў гэту песню? (Яніна Жабко, беларускі кампазітар.) Якая мелодыя ў гэтай песні: напеўная, спакойная ці хуткая, урачыстая. (Адказы дзяцей.) Давайце мы праспяваем знаѐмую вам песню з пачуццѐм і любоўю да роднай краіны.
Дзеці выконваюць песню «Сіні васілѐк».
Выхавальнік. Як добра вы спявалі. Прапаную вам пагуляць.
Праводзіцца беларуская народная гульня «Лапці». Для гульні неабходна падрыхтаваць «лапці» (ступні дарослага чалавека, зробленыя з кардону і абшытыя мешкавінай). На кожнае дзіця – пара «лапцей». Дзеці ідуць па колу і спяваюць: Па лужочку мы ішлі, Сабе лапцікі знайшлі. Ты, Мікіта, не зявай, Сабе лапці выбірай!
У сярэдзіне кола знаходзіцца выхавальнік, які змяншае колькасць лапцей на адну пару. Напрыканцы мелодыі, дзецям патрэбна стаць на лапці («абуць лапці»). Каму не хапіла «лапцей», той выбывае з гульні. Гульня паўтараецца да таго часу, пакуль не застанецца адзін удзельнік.
Музычны кіраўнік. Як добра вы гулялі. Беларусы яшчэ вельмі любяць танцаваць. А вам падабаецца танцаваць? (Адказы дзяцей.) Я вас запрашаю на беларускі народны танец «Полька-Янка».
Дзеці выконваюць беларускі народны танец «Полька-Янка».
Музычны кіраўнік. Вельмі добра танцавалі. Які ў вас настрой? Што вы даведаліся новага і цікавага? Якія дзяржаўныя сімвалы нашай краіны вы ведаеце? (Адказы дзяцей.)
Выхавальнік паказвае малюнкі з выявамі герба і флага, дзеці іх называюць. Гучыць фрагмент гімна, дзеці адказваюць на пытанне.
Музычны кіраўнік. Сѐння мы пазнаѐміліся з дзяржаўнымі сімваламі Рэспублікі Беларусь, адчулі ўрачысты настрой Дзяржаўнага гімна, выканалі беларускія песні і танцы, упэўніліся ў тым, што беларусы ганарацца сваѐй гісторыяй і паважаюць свае традыцыі і культуру. Мы таксама будзем ушаноўваюць дзяржаўныя сімвалы нашай краіны і любіць сваю Радзіму.
Выхавацель раздае дзецям карцінкі-размалѐўкі з контурам герба, флага, беларускага арнаменту, прапаноўвае размаляваць іх у групе або разам з бацькамі.